January 23, 2026: Former India aro East Bengal khan laga defender Ilyas Pasha mure she Thursday te, beshe dere karne bemar hoi kena ahe thake she tai. Tai toh 61 sal thake she. Aro tai laga maiki, duata maiki bacha aro duata mota bacha ase. All India Football Federation (AIFF) para Pasha murea toh condolence de she, kun Karnataka para ekta sob se bhal footballer olai she.
Tai ekta commited aro norom para khota kurea footballer thake she, Pasha toh tai laga career beshe dangor banai she football te, kunto beshe resilience aro composure demand kurea.
Tai toh right wing back hesab khelea, tai laga timing, calm aro ability game ke pure bole khan karne tai ke janea. Tai pressure laga niche te naka pea, Tai laga disciplined positioning aro bhal tackles khan karne opponent laga left wingers khan beshe khushe napai. Pasha toh Internationa level te India karne khele she January 27, 1987 te, tai laga first match toh Bulgaria khan logo te khele she, Kozhikode te. Nehru Cup laga tournament khelea homoi.
Add Comment