New Delhi, 18 March : Former Manchester United aru Argentina national football team goalkeeper Sergio Romero 39 saal te football pora retirement announce kori dise.
Romero 2007 te senior debut kori, aru Europe te bisi clubs karne khelise, besi prominent hoise Manchester United logot. Tai Argentina national football team ke FIFA World Cup 2014 final te jabole help kori dise.
“La Albiceleste” logot, Romero FIFA U-20 World Cup 2007 jiti loise aru ek saal pichete Olympic Games 2008 te gold medal bhi loi ase, kitia tai Lionel Messi logot khelise.
2015 te tai United join kori second-choice goalkeeper hisab te David de Gea pichete. Kintu De Gea injured thaka time te, Romero Cup competitions te main goalkeeper hoi jai, aru Manchester United ke UEFA Europa League 2016-17 title jitibole help kori dise.
Tai United logot total four trophies jiti loise — FA Cup, FA Community Shield, EFL Cup aru UEFA Europa League.
Argentina karne, tai senior debut Diego Maradona under korise, aru total 96 bar country represent kori—juntu Argentina goalkeeper majot sobse besi ase.
Add Comment