Guwahati, April 1 : Congress party ke aro ekta jhatka diya te, former Manipur Speaker aro Minister Irengbam Hemochandra Singh para Sunday din tee man tara tari te Congress party ke charidisey.
Etu tu Congress party nimitey dangor jhatka asey kilemaney etu tu utu election campaign chuli thaka majotey hoisey kuntu logotey Irengbam Hemochandra jurikina thakisey.
Hemochandra laga umar tu 59 years asey. Aro tai tu Singjamei jaga para 5-bar MLA hoikina ahisey. Tai para tailaga resignation letter tu state Congress president Keisham Meghachandra Singh ke submit kurisey aro koisey ki Congress party te tai tu ekdam biswas aro confidence nai hoisey.
Etu MLA para Congress party tu ekta dubi thaka jahaj nisna asey koikina Media ke enaka koisey, “Ami para etu faisla tu mon bhari kurikina loisey. Manipur te Congress laga eku wajud nai.”
Tai para etu bi koisey ki rajya te Congress leader khan nimitey talent aro sincerity tu important nohoi.
Congress para Inter Mnaipur Parliamentary seat para JNU professor Angomcha Bimol Akoijam ke field kurisey aro scheduled tribe para reserve kurikina rakha Outer Mnaipur turf para former MLA Alfred Kanngam S Arthur ke field kurisey.
Add Comment