Headlines • Kohima • Nagaland

Former Nagaland chief secretary AM Gokhale morise, CM para mondukh janaishe

April 18, 2021
49 Views

Agencies, 18 April: Former Nagaland chief secretary, Padma Shri AM Gokhale toh Sunday te Covid19 nemite morise. Tai laga omar 75 thakise.

Gokhale mora nemite Nagaland chief minister Neiphiu Rio para mondukh janaishe. Gokhale, 1968 batch IAS officer of Nagaland cadre toh January 2006 te retire nahowa tak Nagaland te besi capacities te kaam korise.

Former chief secretary ke toh 1990 te Padma Shri award powa thakise. Etu award toh tai laga kaam Village Development Boards te aro Jawahar Rozgar Yojana bona te tai laga role nemite thakise.

Nagaland chief minister Rio para mondukh khobor te tai aji phujor Padma Shri AM Gokhale, former Chief Secretary of Nagaland mora honi kena ektum mondukh hoise koise.

Rio para tai mora toh tai laga family members te he limit nahoi hoilebe Nagaland tea mi khan sob nemite ase koise.

Tai para be Gokhale toh exceptional office, optimist, ekta true leader, aro ekta thinker par excellence thakise aro Indian Administrative Service te tai 30 omor sal kaam kora samai revolutionary changes anishe koise.

Chief minister para be desh te Panchayati Raj institution na-anna agae te Nagaland te tai para Village Development Board laga concept bonaise aro village level te loijaise koise.

State laga manu khan toh tai laga kaam kamiyab aro sustainability nemite ensure koribole lakiya foundation rakha nemite morom para yaat kori thakibo.

Rio para tai ke Padma Shri award toh etu path-braking work nemite thakise koise.

Nagaland laga manu laga strengths aro traditions bonaise aro environment bachabole nemite Nagaland Environment Protection and Economic Development through People’s Act (NEPED) bonaise, scratch para motivated aro dedicated team bonaise aro agae par nemite financing toh external agencies para Nagaland te anishe koise.

Nagaland CM koise,  “Etu kamiyab para be state government ke motivate korise tusara game-changing mission- Bamboo Mission, Honey Mission- nesana bonabo nemite”.

Chief minister Rio para Gokhale toh state laga manu nemite ke toh thek ase korise aro tai ke toh Nagaland manu laga monn te hotai yaat thakibo koise.

Covid para Gokhale mora janai kena Rio para tai COVID te mora toh Nagaland laga manu nemite maha loss ase koise.

Rio para be etu mondukh samai family —Savita Gokhale aro bacha khan ke ektum mondukh howa janaishe aro Isor para tai khan ke dagot debole aro charija atma te rest in peace nemite prathana korise.