February 13, 2024 : Former Navy personnel toh hoiley wapas ahi jaishey, ghor tey, Qatar laga jail tey para release kuria pichetey.
Itu toh hoiley ekta dangor diplomatic victory asey, India nimitey.
Agey phaney, itu diplomatic effort khan nimitey, itu Modi government laga, itu former marine khan laga death sentence toh hoiley commute kuri kena thakishey, life imprisonment tey aru itya tai khan ke toh hoiley chari dishey aru utu pichetey India tey safe para wapas ahishey, koi asey.
Captain Nactej Singh Gill, Captain Saurabh Vasisht, Commander Purnendu Tiwari, Captain Birendra Kumar Verma, Commander Sugunakar Pakala, Commander Sanjeev Gupta, Commander Amit Nagpal, aru Sailor Ragesh khan ke, August 2022 tey arrest kuri kena thakishey aru tai khan utu saal tey jail kuri di kena thakishey.
October 26, 2023 tey, itu Qatar laga court para itu aath jon Indian khan ke death sentence di kena thakishey.
Itu toh hoiley yaad kuriboley parey ki, itu COP28 summit tey, Prime Minister Modi para Qatar laga Emir – Sheikh Tamim bin Hamad Al- Thani ke lok kurishey aru itu issue khan opor tey discuss kurishey.
Itu pichetey, itu capital punishment toh hoiley December tey commute kuri dishey.
Itu Navy veteran khan itya toh country tey wapas ahi jaishey, aru PM Modi ke aru itu government ke thanks janaishey, tai khan laga release ke secure kuria nimitey. “Moi khan bishi Khushi asey ki, moi khan wapas ahishey India tey safe para. Definitely, moi khan toh hoiley PM Modi ke thanks janaboley mon asey, Kiley maney itu din aji dikhiboley para toh, tai nimitey asey, tai laga personal intervention nimitey asey,” tai khan majeytey ekjon para koishey.
Add Comment