Japan, 18 April : Two-time world champion Kento Momota para Thursday dey kuishey ki tai international badminton para retire kuri asey 29 umaar dey, manishey ki tai four saal agey dey serious gaari crash piche dey eki nahoi. Japan laga Momota toh ekbae badminton laga undisputed raaja thakishey, 2019 dey 11 titles jitishey aro itu saal tai 73 matches khilia dey khali six harishey. Huilewi January 2020 dey tai Malaysia Masters jitia piche dey taike Kuala Lumpur airport dey lui jaa
laga gaari toh olob gondha piche dey crash huishey. Itu laga driver toh murishey aro Momota toh ekta fractured eye socket ke repair kuriboley surgery lagishey.
Kitia tai ek saal piche dey tai wapis ahishey, Momota double vision suffer kurishey aro scintillating form wapis pawoley parianai kuntu para taike world number one tak lui jaishey, juti tai tuita titles jitishey.
Itia 52 rank dey thakina aro Paris Olympics dey ekta spot miss kurina, Momota toh Japan laga national team para retire kuribo, itu mahina China dey Thomas aro Uber Cup dey khilia piche dey.
Itu piche dey tai khali domestic competitions dey khilibo Japan dey aro badminton laga World Tour dry nakhilibo.
Momota para itu summer laga Paris Olympics ke target kurisheh huilewi tai laga national ranking toh Japan laga team deh ekta spot pawoley bhaal thakianai.
Taike 2016 Rio Olympics laga selection karney ban kuri disheh, ekta illegal casino dey gamble kuria karoney.
Tai 2021 dey Tokyo Games laga opening round dey haarishey kuntu ekta dangor shock thakishey kuntu tai ekta frustrating memory kuina describe kurishey.
Momota para tai laga Japan team-mates ke tai laga galti para sikhiboley kuishey aro calm thakiboleh kitia taikhan Paris dey Olympic court dey ghusibo.
Add Comment