National

Former Odisha laka CM Giridhar Gaman Congress dhe wapas ahishae Delhi dhe.

January 18, 2024

New Delhi, January 17,2024: Odisha laka former chief minister Giridhar Gamang, koto 80 sal laka ase tuilaka maiki aru bacha lokot Wednesday dhe Congress rejoin kurishae aru koishae ki tai etu party laka ideology ki believe kuri 2015 dhe tai exit kurikina bhi.

Giridhar Gamang ,tai laka maiki aru ex-MP Hema, Bacha Shishar Gamang aru ex MP Sanjay Bhoi Congress join kurishae Ajay Maken laka presence dhe.

“Moi kan kushi ase ki Giridhar Gamang, Hema Gamang, Sanjay Bhoi, aru Shishir Gamang koto moi laka colleague ase tai kan Congress party dhe wapas ahishae. Tai kan Odisha laka development kurne bishi crucial role ekta paly kurishae,” enika senior Congress leader aru treasurer Ajay Maken para koishae tai kan ki Wednesday dhe Delhi alka event ekta dhe welcome kura time dhe.

“Odisha laka charda leader koto Congress laka family takishae tai kan kunba reason ekta kurne party charishae hoilibhi etiya tai kan ghor dhe wapas ahi ase,” enika Congress laka leader Ajoy Kumar para koishae Gamang laka family aru Former Bargarh MP Sanjay Bhoi laka wapasi dhe.

Gamamg aru tai laka family kan para Congress charishae aru Bharatiya Janata Party (BJP) dhe switch kurishae 2015 laka sal dhe. Juwa sal laka January dhe tai BJP bhi charishae aru K Chnadrasekhar Rao para led kura Bharat Rashtra Samithi ki join kurishae olob din biche dhe. Gamang laka family kan olob mohina kurne try kuri takishae koishae Congress dhe wapas ahiboli.

“Moi kote Janam hoishae tade takibo. Moi party , tai kan laka bhabna aru ideology ki kitya bhi charanai,” enika Gamang para koishae tai party join kura time dhe Wednesday dhe.

Tai para Congress ki bishi thanks koishae tai laka family kan ki wapas ahiboli diya kurne aru koishae ki tuilaka 50 years politics deh taka dho tai 42 years dho Congress laka party laka member takishae. “ Moi sob manu ki thank you kobo mun jai ase moikan laka leader Rahul Gandhi ki milai kina…. Congress laka party dhgo ekta party ase koto tade tai kan ekta principled politics deh engage kuri aru moi  enika party laak ekta aprt hubo mun jai,” enika Gamang para koishae.