Former Sikkim deputy CM PT Lucksom COVID para morishe

GANGTOK: Sikkim laga Former deputy chief minister, PT Lucksom toh COVID-19 virus bemar para morishe. Thursday saam te Lucksom toh STNM Hospital, Gangtok te mora ase koishe. PT Lucksom toh mora samai 68 umer thakishe. Tai toh 1994-97 saal samai Pawan Chamling-led SDF government te 1^st deputy chief minister korishe. PT Lucksom para Sikkim te 1994 saal te Rinchenpong constituency para kamyaab hoishe. Hoilebi,  tai 4 paar wala neshina constituency te contested kora samai kamyaab powa nai. 2014 saal te Luksom para Sikkim assembly elections te Trinamool Congress (TMC) ticket para jaishe etu beche 2018 saal para PT Lucksom toh ruling SKM party te advisor ase. Etu samai Sikkim government para state te PT Lucksom mora nemite tin(3) din state mourning thakiboli janaishe. Former Sikkim CM Pawan Chamling para koishe ke, “PT Lucksom toh Sikkim politics te sobse -most leaders ase. Tai para SDF party join kora toh soruh samai te ase aro tai para democracy bonaishe. Etu movement kora samai tai ke Sikkim Police para thurikena jail te rakishe. SDF government te tai toh first aro kali Sikkim laga Deputy Chief Minister hoishe. Tai mori jowa toh Sikkim manuh nemite besi tangor nokson ase. Tai para Sikkim aro Sikkimese manuh nemite kam bhal korikena thaka toh hotia yaat koribo. Ami tai laga kam bhal nemite aro Sikkim bhal bonai deya nemite parthana kori ase,” koikena tai para janaihe.