Former Union Minister Bachi Singh Rawat morishe

Rishikesh: Former Union minister & senior BJP leader Bachi Singh Rawat toh Sunday din All-India Institute of Medical Sciences te 71 umer samai morishe. Bachi Singh Rawat toh Saturday din saas problem nemite hospital te admitted hoishe. Medical Superintendent of AIIMS, BS Bastia para tai mora khobor toh janaishe. Rawat ke Haldwani para air ambulance para anikena hospital laga emergency ward te admitted korishe. Preliminary tests lowa hesab te tai laga lungs te infection thakishe koishe. Uttarakhand Chief Minister Tirath Singh Rawat para Bachi Singh Rawat mora laga khobor honikena besi mon dukh howa tai laga ghor manuh logot janaishe aro tai laga athma toh shanty te thakibo nemite parthana korishe. Bachi Singh Rawat toh Almora-Pithoragarh constituency te 4 paar MP thakishe aro tai para former chief minister & Congress leader Harish Rawat ke election te tin(3) paar jetishe. Tai toh senior BJP leader Murli Manohar Joshi logot besi close thakishe aro Rawat toh Atal Bihari Vajpayee government samai minister of state for science & technology be korishe koikena khobor para janaishe.