Former Uttar Pradesh CM Kalyan Singh, 89 umer te morishe

New Delhi: Former Uttar Pradesh chief minister aro Rajasthan ex-Governor, Kalyan Singh toh Saturday din Lucknow te multi-organ failure para morishe koishe. Tai laga umer toh 89 thakishe. Kalyan Singh toh Sanjay Gandhi Post Graduate Institute of Medical Sciences (SGPGIMS) Lucknow te July 4 darik para intensive care unit(ICU) te thakishe. Friday din te senior BJP leader laga halat toh besi beya hoikena tai ke dialysis lowa soruh korishe. President Ram Nath Kovind, Prime Minister Narendra Modi, Union Home Minister Amit Shah aro dosura leaders para former Uttar Pradesh chief minister mora oper te saman korishe. Prime Minister Narendra Modi par koishe ke, Kalyan Singh Ji para crores manuh ke motob korikena ahishe. “tai para farmers, youngsters aro women nemite kam besi bhal korishe,” koikena PM Modi para janaishe. Tai school te thaka samai Rashtriya Swayamsevak Sangh (RSS) laga member hoishe aro etu beche 1967 saal te Uttar Pradesh legislature te Legislative Assembly laga member thakishe. Singh toh 1991 saal te 1^st samai ase ke Uttar Pradesh chief minister hoishe, hoilebi Babri Masjid hatai deya beche tai resigned korishe. Tai aro Uttar Pradesh chief minister 2^nd samai nemite 1997 saal te olaishe, hoilebi aro 1999 saal te party khan para tai ke hataishe. Etu beche tai BJP jarishe aro nejor laga party bonaishe. Singh toh aro 2004 saal BJP te aro joined korishe aro Bulandshahar para MP olaishe etu beche2009 saal te tui(2) paar wala BJP jarishe. 2009 saal te Indian general election te independent candidate, Etah te kamyaab hoikena tai aro 2014 saal te BJP joined korishe aro Rajasthan laga Governor te appointed korishe.