March 10, 2025, 06:18 PM: Itu Task Force for Music & Arts (TaFMA) para toh hoiley successful para itu Foundational Music Production Workshop khotom kurishey, itu SkillingNagaland initiative under tey, Kohima tey, 8th March 2025 tey. Itu workshop, kuntu tey toh hoiley 22 aspire thaka music producer khan aru musician khan para participate kuria laga dikhiboley parishey, tai khan ke essential production skill khan equip kuriboley karney focus kri kena aru modern music technology ke exposure hobo diboley karney.
Itu training program nimitey, resource person – Imcha Imchen para itu participant khan ke encourage kurishey, agey bari kena jaboley karney aru tai para assistance dibo koi kena assure kuri kena, ki ki laga homoi hoilebi, aha din khan tey. Tai para participant khan ke thanks janaishey tai khan bishi active para learn kuria nimitey, itu training program ke aid kuria nimitey.
Valedictory program tey, participant khan para bishi bhal laga positive feedback share kurishey, highlight kuri kena ki, AI opor tey shikha, music production tey toh hoiley ekta bishi interest thaka laga aspect khan thakishey koi kena, itu workshop laga.
Project Director, Dr. Hovithal Sothu para tai laga exhortation tey participant khan ke encourage kurishey, steadfast thakiboley aru committed thakiboley karney koishey, tai khan laga craft tey. Tai para tai laga gratitude bhi exntend kurishey TaFMA laga Chairman – Theja Meru ke, tai laga dedication nimitey, Nagaland laga music aru arts industry laga growth karney.
Add Comment