Shillong, January 13, 2026: Aro ek jun ke arrest kure she, activist Dilseng M Sangama ke mura laga mamla opor te, Meghalaya te, etia tuk char jun ke arrest kure de she koi she.
Dilseng Sangma, kun Garo laga ekta organisation laga leader ase, January 9 te, tai aro alak activists khan West Garo Hills laga Rajabala te jai she, bea tari ka para pathor banga jaga sa bole ja homoi, manu para tai ke mare de she koi she. Tai toh jokhom khan karne mure jai she, aro alak activist khan toh bea para jokhom pai she koi she, tai khan toh treatment ja ase koi she.
Police khan para koi she ki, etu hamla toh bea tarika para pathor beka operator khan para back kurea khan para hamla kure she. Superintendent of Police A.T. Sangma para koi she ki, Monday te tai khan aro ekjun ke dure she, tai khan alak alak jaga te raid kurea piche. Tin jun ke toh polai para dure loi she koishe. SP para koi she ki, etia be investigation toh ja ase, aro alak kumba ke be durebole laga change ase, tai khan etia be etu hamla te kiman jun ase jane bole pare nai koishe.
Etu mura toh West Garo Hills district te tension toh othai de she, etu karne authorities khan security forces khan pathai she. Chief Minister Conrad K. Sangma para etu mora toh condem kure she, aro tai koi she ki etu hamla kun kun kure she, tai khan sob ke justice laga ahge te ahene bo koishe. Tai manu khan ke appeal kure she peace toh rukhe bole, aro authorities khan logo te cooperate kure bole.
Add Comment