France Captain Kylian Mbappe para Ligue 2 Club SM Caen kinishey

Paris, 31 July : France captain Kylian Mbappe para Ligue 2 club Caen laga majority shareholder nishna luishey, Mbappe laga company Interconnected Ventures para Wednesday dey ekta statement dey janai dishey. Itu notun Real Madrid khiladi, kun jawaan thakia homoi Caen karney sign kuriboley osor thakishey, Coalition Capital para 80 percent shares luishey, Interconnected Ventures laga investment entity, US investment fund Oaktree ke majority shareholder nishna replace kurina. Itia tak officially eku figure release kurianai huilewi French media reports para 15-20 million euros ($16-21.6 million) dey acquisition fee hali asey. Itu 25-saal World Cup winner, kun itia ekta professional club laga sobse jawaan owner huishey, Caen para tai khali 13 thakia homoi court kurishey, tai Monaco aro Paris Saint-Germain join nakuria agey dey. 1913 dey found kurina, Caen toh 1992 dey top flight dey fifth khotom huishey aro 2005 dey League Cup final pahunjishey huilewi 2019 homoi France laga second tier dey khilishey.