STRASBOURG:
Authorities koishe Tuesday te gunman para teenta(three) manu ke muraishe aro dozen opor manu jokom hoishe. Etu ghatna toh France laga Strasbourg city te hoishe.
Police para etu gunman ke besari ase. Etu open fire toh 8pm local time (1900 GMT) te hoishe. Etu jaga toh city laga sob para busy rasta ase. Open firing huwa nimite saam(evening) laga shoppers khan safety nimite jaga jaga polaishe.
Police koishe soldiers khan hodai genika area guad kuri thakishe. Soldiers khan suspect logote guli para mara-mari kurishe aro susoect ke injured kurishe. Hoile bhi suspect ke polabole para rukhabo para nai.
Mayor Roland Ries AFP ke koishe charta(four) manu murishe aro jokom huwa manu khan para teenjon(three) para charjon(four) manu critical condition te ase. Officials para olop samay age te duita manu mura khobor dishe.
Local security service laga statement te koishe gunman toh identify kuribo parishe aro suspected extremists laga watchlists te ase.
France laga security forces khan 2015 laga attank hamla pichete already high alert te ase. Security forces khan etu samay te anti-government protests desh pura te chula nimite olop stretch hoi kena ase.
Midnight para olop deri pichete President Emmanuel Macron, cabinet officials logote crisis meeting lubole Paris te punchishe. Interior Minister Christophe Castaner Strasbourg te jaishe.
AFP toll hesab te 2015 para France attank hamla te total 246 manu murishe
Add Comment