France, 14 November 2024: Thousand nishina police khan ke phatai shey Paris te Thursday din te nimite France-Israel football international te security karne. Amsterdam te Maccabi Tel Aviv fans khan ke last week hamla kura pichi deh.
Paris Police chief Laurent Nunez pra koishey 4,000 officers khan patrol te thakibo, 2,500 toh northern Paris suburbs te, State de France te thakibo aro alak khan toh public transport aro capital bitor te thakibo.
Etu khan milai kina aro 1,600 private security guards khan duty te thakibo stadium te, aro elite anti-terrorist police unit khan visiting Israeli squad khan ke protect kuribo.
Bishi high-risk match ase geopolitical context nimite, Mr Nunez pra koishey. Ki hoileh b public order toh disturb hubo leh nadibo.
Uefa Nations League match toh intense security laka under te ase, last Thursday din match nimite, tadeh jakara loishey Ajax aro Maccabi Tel Aviv laka mojut te Netherlands te.
Stadium toh, 80,000 manu thakibo para toh khali quarter full he thakibo. Israeli government khan laka advice huni kina 100 nishina Israeli fans khan ke expect kuri ase Paris te jaboleh, hoileh b alak Israeli supporters khan game te jabo pareh.
Politicans pura Europe pra koishey antisemitism wapas ahishey, Israeli fans khan ke Amsterdam laka rasta te khitai thaka karne.
Add Comment