France te 1.16 Million Covid Vaccine pabo ase

Paris: France te etu sal kotom howa samai 1.16 million neshina Covid-19 vaccine doses paboli ase koikena, Wednesday din Prime Minister Jean Castex para junaishe aro etu oper te aha tui(2) moina samai 2.3 million vaccine pongchibo. 3.9 million doses pongcha te 1.7 million manuh logot vaccine maribo. Puila pura/puri, bemar manuh elja kori thaka aro bemari besi thaka khan logot thibo. Covid vaccines toh manuh khan ke tuita(2) doses para hafta oper thibo. Etu bemari phase samai, government khan besi bhal para kam koribo, “ami khan etu rasta toh miss nahoboli lage” manuh sob logot vaccine toh maribo, tai koishe. Prime Minister Castex para koishe, France toh etu sal kotom howa samai 1.16 million doses paijabo aro January 5-6 darik samai 677,000 doses ahibo, etu beche February moina te 1.6 million doses neshina aro paboli ase koishe. France para sob melaikena 200 million doses neshina ordered korikena ase aro etu vaccine toh 100 million manuh logot maribo. France laga population toh 70 million manuh thaka desh ase.