October 23, 2020. French government para desh te two-thirds- 46 million manuh ke Friday rati para 6 hafta nemite bondh korishe. France te ek din pithor te 41,622 notun coronavirus bemari cases paishe. Sob melaikena bemari cases toh 1 million oper hoikena ase. Europe pithor te Spain aro Russia te be pongchi-kena ase koishe. Paris aro 8 French cities te ek rati pura bondh thakishe. Etai aro 38 chaka te 21:00 para 06:00 samai dak bondh koriboli ase. European desh besi te bemari cases othiase koishe. Slovakia te Saturday din para konuba chaka te lockdown thakibo ase, etu samai kali kam te jaa manuh khan perabo, shopping aro school bacha khan thakibo.
Czech Republic aro Republic of Ireland te notun lockdown soru hoishe. Belgium, Spain aro Italy te be bemari cases toh besi hoiase etu nemite hospital khan besi bapana te ase. French te kenar chaka te Friday rati (22:00 GMT) para Saturday 21:00 samai bondh thakibo. Spring moina te tui(2) moina lockdown thaka beche etai aro thaka nemite restaurant aro bar malik khan para besi complaint kori ase koishe. France laga chaka besi te, intensive care unit (ICU) aha toh COVID-19 bemari manuh para loikena ase. France te 24 gonda pithor te 162 manuh mora khobor paishe. French Prime Minister Jean Castex para koishe ke, “aji dak te virus bemar phela para besi oper uthikena ase” jaa hafta dak te 100,000 manuh pithor te 251 manuh khan bemar hoikena ase. Tai aro koishe ke, ek hafta pithor te 40% te othishe aro reproduction (R) rate toh 1.35 ase, “etu matlab toh hotai tui(2) hafta piithor te cases toh double hoiase”. Aro R rate matlab toh ek jun- ek jun pithor te virus laikai pachi kora ase koishe.
Add Comment