France te bemar nemite curfew junaishe

October 15, 2020. President Emmanuel Macron para France te novel coronavirus toh cities neshina Paris, Lille, Lyon, Marseille, Toulouse second wave bemari cases aro besi utha nemite curfew thakiboli junai thishe. Curfew toh 9 am (19.00 GMT) para 6 am (4.00 GMT) samay, Saturday din para soru hoikena char(4) hafta nemite koriboli janai thishe. “ami khan curfew koribo thaka toh hosati nemite ase,” koikena Macron para janai thishe. President para koishe ke, curfew toh Ile-de-France region te koribo aro Lille, Grenoble, Lyon, Marseille, Rouen, Saint-Eitenne, Montpellier aro Toulouse, etu chaka sob te thakibo. Macron koishe, France te  COVID-19 toh  second wave jai ase aro “control kora toh naharab laki”.“ami khan control hara nai. Situation nemite besi bapana ase, hoilebi, ami khan bemari thaka samay first wave para ke koriboli ase janikena ase” tai aro koishe. “aro etai virus ke janikena 8 moina thaka toh aro wabas ahi ase.” French leader para koishe. France te July moina para coronavirus case toh aro besi uthikena ase. Ek din pithor te sobse besi bemari cases paa toh 27,000, October 10 darik te thakishe. Wednesday din dak te desh te COVID-19 cases toh 7,56,472 hoikena ase aro 32,942 manuh khan korikena ase koishe.