Franzoni tou Kitzbuehel downhill jitise

Austria, 24 January : Italy laga Giovanni Franzoni, Saturday din Kitzbuehel downhill race te damdar performance dikhai ekta shocking jeet anise, juntu Alpine World Cup ski season laga sabse dangor race kuina dhora hoi. Itu laga jeet pora Swiss favourite Marco Odermatt etiya bhi itu race jeetibo pare nai, aru wait kori ase. Start hua pora second number te namikena, former world junior champion Franzoni, bhoyankar Streif piste te pura jor logai namile aru 1 minute 52.31 seconds time te nijor career laga prothom downhill jeet hasil korise. Odermatt — ki Kitzbuehel downhill te duibar runner-up hoi ase kintu etiya bhi jeeta nai — timing screen saikena rukhi jaise, mon bhangi matha niche kori ski pole te bhari diya thaka dekhaise. France laga Maxence Muzaton, bib 29 logai pura risk loi khel kori, podium almost final hoi gol kuina dhora pisot bhi surprising time loi ahi, ekdom ascharya bhabe third position te finish korise Italy laga Florian Schieder fourth aru France laga Nils Allegre fifth position te thakise itu blue riband race te, juntu sai bole bohut sports luminaries ahi thakise, including former Liverpool manager Juergen Klopp aru Austria laga 1976 Olympic champion Franz Klammer. Itu jeet Franzoni laga career laga second jeet ase, eitu mahina Wengen super-G jeeta pichete. Itu jeet pora 24 saal laga Franzoni laga Milano Cortina Olympics (tai laga nijor desh te) next mahina gold medal candidate buli itu laga naam aru strong kori dise. Jetiya bohut dangor khiladi tai laga time match kori pare nai, emotion pora chokhu pani bhi ulaise. Saturday laga race agey te Switzerland chari ta downhill jeeti thakise  — Odermatt tin ta jeetile aru teammate Franjo Von Allmen last mahina Val Gardena te jitise. Downhill standings te duita Swiss khiladi etiya bhi one-two position te ase, jote Odermatt tin ta jeet aru duita second place logai top te 165 points aage ase. Von Allmen last stage te dangor bhool kori recovery koribo loga hoi, aru equal 16th position te finish korise. Overall World Cup standings te bhi Odermatt nijor lead aru barhai dise, Norwegian-born Brazilian Lucas Pinheiro Braathen pora 667 points aage thaki.