Uttar Pradesh, 2 April 2025: Highway police khan Uttar Pradesh laka Mathura te ekta manu ke dhuri shey kun alak armed forces laka officer hoi kina acting kuri thaki shey. Aro cheating, fraud te involved thaki shey aro maiki khan ke misa mishi shadi promises khan dibo koishey. Harish Kumar identified kuri shey, alisa Saurav Srivastava, mota kun Central Reserve Police Force (CRPF) officer, Border Security Force (BSF)officer, crime branch officer hoi kina acting kuri shey aro bishi kuri shey manu khan ke juka boleh aro maiki ke exploit kuribo leh.
Police khan investigation shuru kuri shey maiki lokot pra complaint pa pichideh, etu pra Saurab laka fraudulent kam toh jani paishey. Police laka hisap pra, tai maiki bishi ke jukai shey taikhan ke bisas kuri dibo leh ki taikhan ke government kam dibo aro shadi kuribo leh promise kuri shey, already shadi hoi kina b. Accused toh, fake Assistant Commandant CRPF laka acting kuri kina, manu aro maiki khan ke bishi jukai dishey kam dibo aro shadi kuribo promise koina. Police khan bhal pra tai laka kam toh investigate kuri ase, kileh maneh etu toh tai laka first arrest nahoi. Taike puila time te b dhuri shey Allahabad te, SP Arvind Kumar pra India Today ke koishey.
Investigation pichideh, police khan bishi incriminating saman khan paishey accused laka haat pra, ekta fake CRPF uniform, belt, nameplate, driving licence, ATM cards, Aadhar Cards bishi manu laka, blank cheques, duita mobile phones, ekta laptop aro ekta Brezza gari nishina. Saurabh toh ekta private insurance company laka agent hoi kina kam kuri thaki shey. Fraud scheme te, tai police aro paramilitary camps te jabo insurance bikai ase koina.
Add Comment