Freedom Fighter aro INA Veteran Lalti Ram morishe

Chandigarh: Indian National Army (INA) laga freedom fighter aro veteran, Lalti Ram toh aji pujur morishe koikena Haryana government para statement te junaishe. Tai laga toh 100 umer te mori ase. Lalti Ram laga funeral toh Haryana Jhajjar district te tai laga Dubaldhan bosti te administration officers thkina pura state saman korishe, statement para janaishe. “Lalti Ram toh 100 umer ase aro tai toh respected freedom fighter thakishe, tai Sunday din te morishe,” koishe. Prime Minister Narendra Modi para koishe ke, “INA veteran Lalti Ram Ji, mora khobor honikena besi mon duk hoishe, tai laga India’s freedom struggle samai kam kora toh hotai yaat thakibo, ami tai logot kotha kora toh yaat kori ase. Indian history te tai neshina tangor manuh toh hotai bapana koribo.” Haryana Chief Minister Manohar Lal Khattar aro BJP state president OP Dhankar para be Lalti Ram mora oper te mon dukh howa janaishe. “INA veteran Lalti Ram ji, para India nemite freedom kisa toh aji kotom hoi ase, tai laga bhal kam toh Indian manuh sob para kotha koribo. Ami khan para tai neshina manuh ke salute kori ase aro ami khan laga bapana te hotai din yaat thakibo. Ami laga mon dukh kotha toh tai laga ghor manuh aro sati-bhai khan logot janai ase,” koikena Twitter te President Ram Nath Kovind para lekishe. 2019 saal te Lalti Ram para Prime Minister Narendra Modi ke freedom fighter Subhas Chandra Bose laga 75th anniversary “Azad Hind Sarkar” samai pre-Independence INA laga cap ekta thikena ase koishe.