French Ambassador para Mawphlang heritage bosti tarif kurishey

Shillong, 11 May : Thierry Mathou, India ke France laga Ambassador, sacred groves, monoliths, aro Mawphlang laga heritage bosti ke tarif dishey.

Mathou, kun Meghalaya dey tai laga maiden visit dey asey, Friday dey, sacred groves, monoliths, aro Mawphlang laga heritage bosti visit kurishey.

Ambassador 3 kms logot bishi trek kurishey aro Mawphlang Sacred Grove visit kurishey, kutey taike Hima Mawphlang, Tambor Lyngdoh Mawphlang laga Lyngdoh clan laga head para guide kurishey.

Itu French diplomat para itu sacred grove laga ethnographic (flora) composition sikiwoley keen interest dikhaishey.

Mawphlang Sacred Groves ke Khasi community para centuries karney pachaina rakhi asey, environment aro natural duniya logot harmonious rishta dey ekta unique glimpse offer kuri asey.

Meghalaya government para Mawphlang dey multiple initiatives implement kurishey, heritage village laga development, tourism infrastructures aro Monolith Festival organise nishna.

Ambassador Mathou para Mawphlang Dam bhi visit kurishey Public Health Engineering (PHE) officials para accompany kuriba, kun para taike khobor dishey kinika Meghalaya laga rural water supply implementation toh 77.15 per cent pahunjishey household connectivity dey.