French minister Nathalie Loiseau pora hosiyar

London, 31 August: Friday din French Europe minister Nathalie Loiseau toh Britain’s Brexit blueprint de doubt kora thakise aro European Union  logode business toh agae jabole na-paribo koi-kena hosiyar janaideya thakise. Louis koise ke British prime minister Treresa May’s plan toh July de ola thakise koise. Etu pora UK toh EU’s single market pora chara dekhise koise. Hoilebe business area de thaga pora customs deal aro common rulebook toh thakibole na-paribo koise. EU pora Canada logode free business agreement toh manise nahoile non-member Norway’s access toh single market de kushise koise. Etu pora bloc’s budget de pay kora thakise aro manu khan nemide free movement rule toh manise. Loiseau pora BBC logode janaideya toh, British government pora aji-kali plan kora toh agae de jabole na-paribo koise.Tai koise Britain toh EU’s key principles de manibo lagibo. Loiseau koise, Norway aro Canada majode kebah ekta toh ase. Hoilebe European Union logode right aro obligations toh thek pora thakibo lagibo koise. Britain toh 30 March laga bloc charibole ase. Hoilebe tuita side pora be agreement toh October last hapta phalli koribole ase. Eti pora tai khan laga parliament de deal karni besi time pabole ase.