Bobigny, France, 29 December : Ekta 33-saal umaar French mota para tai laga maiki aro taijun laga four bacha ke murai dia laga maanishey, kuishey tai “awaaz hunishey” taike kui tajkia “harm kuriboley”, itu public prosecutor kuishey Thursday dey.
French police para Tuesday dey ekta mota ke arrest kurishey psychiatric bimari laga history logot, tai laga Haitian-born maiki aro taijun laga bacha khan kun laga umaar nine mahina aro four, seven aro 10 saal, taikhan ke murai dia laga shaaks dey.
Taikhan laga laash toh Monday dey paishey, Christmas din, ghor dey Paris laga Meaux east laga town dey.
Itu mota, ekta plumber, taike 2017 para luina depression aro psychotic behaviour karney treatment lui thakishey, itu prosecutors para kuishey.
Meaux public prosecutor Jean-Baptiste Bladier, Wednesday laga autopsy dey results kuina, kuishey ki itu bacha khan laga 35-saal umaar ama aro tai laga 10- aro seven-saal maiki bacha toh “10 stab jokhum” nishna paishey kuntu bishi violence thakina dishey.
Itu four-saal aro nine-mahina mota bacha khan “asphyxia para murishey kuntu piche dey paani dey dubaishey”, Tai halishey.
Itu shaaks kuishey ki tai toh “itu act karney ekta trigger toh jaani painai”, kuishey itu prosecutor. Tai “eku mehsoos kurianai” aro “khali mehsoos kurishey” tai laga khatan ke hatya kurina, itu prosecutor halishey.
Bladier laga hisab dey, itu shaaks “kuishey tai hotai din dawai lui thakishey” 2019 para luina, huilewi December 24 dey luanai.
Prosecutors para hatya laga thik date janai dianai.
Itu mota toh 2019 dey dhurishey tai laga partner ke shoulder blade dey chaku maria piche dey kitia tai taijun laga third bacha logot pregnant thakishey aro tai nijor ke murai diwoley kosis kurishey. Tai charges press kuriboley maana kurishey.
Add Comment