October 24, 2023: Ekta French Museum para Wednesday din deh Dwayne ‘The Rock’ Johnson laka waxwork tho phat fix kuri di bo kui shae. Etu statement tho US Actor para taikan pale skin karne compain kura piche deh ahi shae. Kohn, kun Samoanb aro Black origin ase, tai Instagram deh jai shae etu hapta Grevin Museum laka wax figure deh kotha kuri bole. Etu taila wax figure deh tai tho buka skin taki shae aro khali kun bha features he taki shae taila.
“Ami muila team keh Grevin Museum laka sathi kan keh kotha kuri bole dibo. Etu wax figure deh improvement aro zaruri details kan hali bole- Skin laka color deh shuru kuri nah.” Johnson para kui shae.
Monday din deh Museum para AFP keh staffs kan wax figure deh kam kuri ase kui shae aro etu figure laka updated version tho Tuesday morning deh reinstalled kuri d bo kui shae. “Fans kan laka expectations mili bo karne taikan pura rati kam kuri bole ase,” Yves Delhommeau, Museum laka director para ekta statement deh kui shae.
“Mukan lighting b reconfigure kuri bole ase kile koile lighting issue para taila skin deh affect kuri taki shae. Johnson olop piche deh eku modifications kan ban abo lakeh nah nai sabo leh mukan lokot mili bole ase.” Tai ara kui shae.
Dwayne laka figure tho social media deh unveil kuri shae jua hapta Grevin Museum para. Hoile b ekta photo kuto nutun statue keh promote kuri bole taki shae, etu photo para Johnson laka fans keh dani shae aro gusa b taki shae. “Kile tai keh white wash kuri shae?” Comedian James Andre Jefferson para ekta online video release kuri shae kute tai statue keh mock kuri shae
Add Comment