Paris, 26 May : Spaniard Carlos Alcaraz French Open 2025 laga title defend flying start te shuru korise, Monday din Italian player Giulio Zeppieri ke straight sets te harai loise.
22 saal laga Alcaraz Court Susan Lenglen te 6-3, 6-4, 6-2 score te Zeppieri ke easily harai second round te pohchi jaise. Alcaraz Roland Garros te entry loise Monte Carlo aru Italian Open title jitikar piche te, Grand Slam laga preparation bhal thaka karone.
Paris te three-time defending champion Iga Swiatek bhi women’s section te second round te jaise, Serbian Rebecca Sramkova ke Court Philippe-Chatrier te straight sets te easily harai.
Swiatek Sramkova ke 6-3, 6-3 score te dominate kori loise, aru red clay court te fourth straight saal junn tai laga dominance show korise.
Swiatek next round te British player Emma Raducanu logot khelibo, juntu 2022 piche te French Open te first time wapis ahi ase. 22 saal laga former US Open winner Raducanu bhi Monday din bhal start korise, Wang Xinyu ke tough match te 7-5, 4-6, 6-3 score te harai loise.
Swiatek, jun already Raducanu logot 4-0 head-to-head record ase, itu count barha bole try koribo juntu match 28 tarik te hobo. Swiatek, jun 2020 saal te bhi French Open jiti thakise, ahibar target hoise tai laga fifth clay court major crown.
Add Comment