France, 21 October : India laga top shuttler khan, juntu te Lakshya Sen aru doubles pair Chirag Shetty aru Satwiksairaj Rankireddy bhi ase, olop din pora shuru hobo laga French Open badminton tournament te nijor campaign suru koribole ready ase. Itu tournament France laga Cesson-Sevigne te thaka Glaz Arena te hobo.
Men’s singles te, Paris 2024 semi-finalist Lakshya Sen Ireland laga Nhat Nguyen laga khilaf te khelibo, aru youngster Ayush Shetty Japan laga Koki Watanabe logot mukabla koribo.
Men’s doubles te, world number 6 pair Chirag aru Satwik nijor campaign shuru koribo Indonesia laga Muhammad Rian Ardianto aru Rahmat Hidayat laga khilaf te.
Women’s singles te, rising star Anmol Kharb Korea laga top seed An Se-young laga against te tough challenge face koribo. Anupama Upadhyaya China laga 4th seed Han Yue logot khelibo, aru Unnati Hooda Malaysia laga Karupathevan Letshanaa logot mukabla koribo.
Pruthvi Krishnamurthy Roy aru Sai Pratheek K men’s doubles draw te ase. Women’s doubles te, prothom round te all-Indian match hobo Kavipriya Selvam aru Simran Singh aru Panda sister khan — Rutuparna aru Swetaparna — laga majot.
Mixed doubles te, Dhruv Kapila aru Tanisha Crasto laga pair, aru Rohan Kapoor aru Rutvika Shivani Gadde laga pair, experienced international opponent khan laga khilaf te nijor performance dekhabo laga try koribo.
Add Comment