Paris, 23 October : India laga rising shuttler Unnati Hooda nijor impressive performance international level te continue kuri ase, French Open Super 750 badminton tournament te (Cesson-Sevigne te) pre-quarterfinals tak reach kurikena. 18 saal laga Hooda grit aru composure dikhai dise, Malaysia laga Letshanaa Karupathevan ke harai kena — 11-21, 21-13, 21-16 — nijor opening women’s singles round te.
First game harai piche te, Hooda nijor focus wapas loise aru rallies te full control aru confidence dikhai dise. Dusra duita game te sharp net play aru accurate smashes laga combination pora dominate kuri kena, nijor jagah round of 16 te confirm kuri dise.
Itiya India laga promising young talent khan majot thaka Hooda competition intense hobo te nijor momentum continue rakhibo dikhai ase.
Dusra side te, Ayush Shetty laga din contrast thaki jaise. Tai laga men’s singles opening match te, Shetty fight to di dise, kintu Japan laga experienced player Koki Watanabe ke khilaf 19-21, 19-21 te narrowly hari jaise. Brilliant moments dikhai thaka bhi, crucial points convert kuribo parianai.
Dusra Indian women’s singles player khan majot, Anupama Upadhyaya aru Anmol Kharb dujon bhi first round te out hoi jaise. Anupama 15-21, 11-21 te China laga Han Yue ke logot hari jaise, aru Kharb 15-21, 9-21 te South Korea laga top seed aru world No. 1 An Se-young pora outplayed hoi jaise.
Add Comment