Paris, 31 May : Carlos Alcaraz, Iga Swiatek aru Aryna Sabalenka French Open te fourth round te pahuchise
Carlos Alcaraz ekta tough challenge overcome kori Friday din French Open laga last 16 te jagah banaise. Women’s defending champion Iga Swiatek aru Aryna Sabalenka bhi Roland Garros te fourth round te ahise.
Second seed Alcaraz 69th-ranked Bosnian Damir Dzumhur ke night session te 6-1, 6-3, 4-6, 6-4 te haraise, aru nijor title defend koribo laga hope bachi rakhi ase.
Char bar Grand Slam champion Alcaraz Roland Garros te favorite hisab te ahise—Monte Carlo Masters aru Italian Open jitibole piche para. Kintu, last duita round te inconsistent performance diya karone, opponents khan etiya bishi confident ase ki Alcaraz ke harabo pare.
22 saal laga Alcaraz next match te American 13th seed Ben Shelton logot kheli bo, juntu Italian qualifier Matteo Gigante ke 6-3, 6-3, 6-4 te haraise.
Swiatek nijor fourth consecutive French Open title bisari ase, aru Romania laga world number 60 Jaqueline Cristian ke 6-2, 7-5 te sweltering condition te haraise. First set comfortably jitile bhi, second set te Cristian laga challenge thakise—Swiatek ke 6 break points bacha bole lagise.
23 saal laga Poland te thaka Swiatek next match te 12th seed Elena Rybakina logot khelibo, juntu 2017 champion Jelena Ostapenko ke 6-2, 6-2 te haraise. Swiatek laga Rybakina logot record 4-4 ase, kintu clay court te dui bar haraise. Swiatek relief feel korise Ostapenko ke avoid koriparile, karon Ostapenko laga record Swiatek logot 6-0 ase.
Aryna Sabalenka ekta dominating performance disey—Serbian left-hander Olga Danilovic ke 6-2, 6-3 te harai dise. Madrid Open winner aru Roland Garros te best result semi-final (2 saal age), Sabalenka koi dise ki pressure tu Swiatek upor te ase.
27 saal laga Belarusian Sabalenka next match te 16th seed American Amanda Anisimova logot khelibo, juntu Danish 22nd seed Clara Tauson ke 7-6 (7/4), 6-4 te haraise.
Chinese 8th seed Zheng Qinwen Canadian teenager Victoria Mboko ke 6-3, 6-4 te haraise. Zheng Roland Garros te etiya 9ta match continuously jitise, Olympic gold jeetibo laga run piche para. Taini dusra bar Paris te fourth round te ahise aru next match te Russian 19th seed Liudmila Samsonova logot hobo, juntu Ukraine laga Dayana Yastremska ke 6-2, 6-3 te haraise.
Italian 4th seed Jasmine Paolini Ukrainian lucky loser Yuliia Starodubtseva ke 6-4, 6-1 te harai dise. Last saal Roland Garros aru Wimbledon runner-up thaka Paolini next match te Ukrainian 13th seed Elina Svitolina logot khelibo, juntu American Bernarda Pera ke 7-6 (7/4), 7-6 (7/5) te tough match te haraise.
8th seed Lorenzo Musetti Argentine Mariano Navone ke 4-6, 6-4, 6-3, 6-2 te haraise—etu match te Musetti laga first set harai thakise. Musetti recent te Monte Carlo final, Madrid aru Rome semi-final te pahuchise.
Next round te Musetti Denmark laga Rune logot khelibo, juntu France laga Quentin Halys ke ekta thriller match te 4-6, 6-2, 5-7, 7-5, 6-2 te haraise—chouth set te defeat pora duita point duri thaka time te comeback kori jitise.
American 12th seed Tommy Paul Russian Karen Khachanov ke 6-3, 3-6, 7-6 (9/7), 3-6, 6-3 te haraise aru next match te Australian 25th seed Alexei Popyrin logot hobo, juntu Portugal laga Nuno Borges ke 6-4, 7-6 (13/11), 7-6 (7/5) te haraise.
France laga 14th seed Arthur Fils Saturday din laga third-round match pura chari dise, aru host nation laga 1983 te Yannick Noah pora eti tak French men’s champion painai laga wait extend korise.
Add Comment