Paris: Thursday te India laga top men’s doubles pair Satwiksairaj Rankireddy aro Chirag Shetty pora French Open laga second round te world No.2 aro etya laga All England Championships holder Mohammad Ahsan aro Hendra Setiawan duiju ke hari di kena Quarter te bonjise.
Satwik-Chirag, etu sal odhi kena Thailand Open chitiya pduijun pora Ahsan-Setiawan ke 21-18, 18-21, 21-13 pora 53 minutes te harai di kena quarter-finals bonjise.
Olap ake te, Saina Nehwal 21-10, 21-11 pora Denmark’s Line Hojmark Kjaersfeldt ke harai dise. Satwik-Chirag laga tangor kamiyab biche te, PV Sindhu pora bhi 21-10, 21-13 pora Jia Min Yeo ke aram pora harai dise.
Satwik-Chirag duijun pora suruwat pora loi kena ektam attack kuri kena khilise aro etu tangor kamiyab hobole karne ektam phal khilise. Match suru te teenta points loi kena suru hoise hoile bhi Ahsan-Setiawan duijun pora wapas mhnat kuri kena 7-8 paise hoile bhi Indian pair pora etu te pora loi kena 11-7 pora lead loise.
Break biche te Ahsan-Setiawan duijun pora 17-15 pora lead bhi kurise hoile bhi tade pora Satwik-Chirag duijun pora panchta straight points pora teenta game points paise aro 21-18 paise.
Second game te Ahsan-Setiawan duijun pora 10-5 lead loi kena suru kurise, aro Indian pair wapas mehnat kuri kena 9-11 paise.
Satwik-Chirag duijun pora kerai di le bi, Ahsan aro Setiawan duijun pora ektam pari kena second game 21-18 pora decider bonjibole parise.
Decider te Satwik-Chirag duijun pora 7-3 pora lead kuri kena suru hoise aro Ahsan-Setiawan duijun mehnat eman kuribole pariya nai kintoh Indian pair duijun break tak 11-5 lead kuiri kena ahise.
Satwik-Chirag duijun ektam mehnat kuri kena Ahsan-Setiawan duijun ke moka nadi kena ektam tangor chitise.
Add Comment