Agencies, 26 September: Tui moina laga physical training. Etu bechide clay courts te tin moina laga practice. Etu bechide red dirt te tui par titles jet. Coronavirus pandemic karni para pura dekthari samai, Simona Halep para French Open nemide daiyari karni ektum phal perfect formula paise pari. Sunday te ketiya clay-court Grand Slam tournament suru hoi, 2018 champion Halep toh court te 70th-ranked Sara Sorribes Tormo kelaaf thakibole ase.
Halep para lockdown samai tai laga khor Romania te thaka opor te koise, “Ami toh schedule te ektum strict thakise aro ami ektum kaam korise aro ami besi physically phal korise”.
“Etu nemide ami polabole pari, ami sob match nemide fit bhabona kori. Ami laga thenk (legs) gara para gara ase, etu nemide matches samai nemide ami ke mondangor dae aro clay te be motob dae”.
Ranked second hoilebe Roland Garros te seeded No.1 kelay kelay koile defending champion Ash Barty toh nakhela hoija nemide. Halep toh tennis suru howa samai para 9-0 record te kusha logode Prague aro Rome, clay te titles jet logode February samai direk te 14-match par-par jeta thakise.
Pandemic samai seven moina nemite tai laga Australian coach Darren Cahill para alak hoikena Halep para toh Romanian coach, Artemon Apostu-Efremov logode training loi thakise.
Apostu-Efremov para The Associated Press te koise, “Pandemic laga first part te, etu toh besi phak physical thakise kelay koile Romania tea mi khan ke tennis nemide 15th of May tak allow nakora nemide. Etu bechide pahar te olabole aro khelibole para samai ami khan laga pura practice clay te thakise”.
Add Comment