Detroit, 20 October: Police pora Friday din janaideya hesab deh, 60 infants aro foetuses pora be besi Detroit funeral home deh lokai kena paise. Etu hatsa howah toh, jai-jai hapta time deh 11 bacha laga bodies buchi kena Michigan city laga funeral home deh lokai kena powah bechide ase. Detroit’s police chief pora kowah toh, etu tuita case deh link thaga eku khobor powah nai. Tai pora etu hatsa deh investigate koribo karni city, state aro federal investigators pora force olabo. Police pora kowah toh, Perry Funeral Home pora 36 sets pora besi refrigerate boxes deh paise aro tusara 27 sets toh freezer deh paise. Friday din Detroit Police Chief James Craig pora reporters logode kowah toh, etu toh ektum bhoi khabole laga ase. Craig pora tai laga life 41-1/2 sal deh enaga hatsa howah toh ek-par be dekha nai koise. Investigators khan pora etu hatsa howah deh janibo karni kum kori ase. Michigan Department of Licensing and Regulatory Affairs pora kowah toh, funeral home’s license cancel koridese aro bondh koridese. Tai khan pora etu agae deh operate kora khobor toh media logode janaideya nai. Agency pora kowah toh, funeral khor debe alag-alag license aro financial deh namani kena thaga karni bodhnaam korise.
Funeral khor deh 60 bacha pora be besi lokai kena paise
Add Comment