March 26, 2024 : ReDimension Games kuntu toh ekta game development studio asey, Kohima tey, itu Game Developers Conference (GDC) tey participate kurishey, kuntu toh hoiley San Francisco, California, USA tey loishey, 18th para 22nd March, 2024 tak tey.
ReDimension Games toh tai khan laga game Sojourn Past toh showcase kurishey tai khan laga game toh, itu Indian Pavilion under tey, India laga alag games khan logotey. Pekrukhrietuo Pienyü kun toh hoiley itu studio laga co-founder asey, kun toh hoiley itu studio ke represent kurishey, itu Game Developers Conference tey, tai para comment kurishey ki, itu event toh hoiley ekta excellent opportunity thakishey, tai khan laga team nimitey, ekta global audience punchiboley, aru itu logotey itu global game development industry logotey bhi connect kuriboley laga aru alag fellow game developer khan logotey.
Game Developers Conference toh hoiley sob para dangor annual event asey, Game developer khan nimitey, itu duniya laga pura tey. Itu event toh hoiley paach din nimitey thakishey, kotey manu khan duniya laga alag alag jaga khan tey para ahi kena participate kurishey aru industry talks khan aru exhibition khan feature kurishey, sob para dangor dangor company khan para, itu duniya pura laga.
Add Comment