October 04,2020: Madhya Pradesh village laga alleged gang rape victim para nijor ke muraidishe etu bi police khan para etu case te fir register nakura nimete.
Police para Saturday te koishe ki Etu 33 umar maiki kun ke tai laga bosti Gotgoria Narasinghapur district September 28 te rape kurishe September 28 te tai laga ghor te phasi lagaikena paishe Friday te.
Tai laga mota koishe tai etu step luwa toh police khan para etu case te fir nakura nimete ase, etu ekla nohoikena tai laga kin ke harass kura nimete bi ase etu bi etu hadsaa te fir register kuribole kuwa nimete.
Duita police officers ke thurishe etu bi etu hadsaa te case register nakura nimete. “In-charge Gotgoria police outpost Misrilal Koddape and in-charge of Chacheli police station Anil Singh ke thurishe etu case register kura te monndiya nimete.tai khan ke section 166-A (non recording of information) Indian Penal Code (IPC) bithor te booked kurishe.
Narasinghpur district superintendent of police Ajey Singh koishe “Etu ekla nohoikena dusra tinta manu ke bi thurishe rape charges te aro dusra duita ke suicide kura te thurishe.”
Etu murijaa maiki laga mota para police ke koishe tai laga maiki ke tinta local villagers Parsu, Arvind and Anil para rape kurishe koikena tai kheti te September 28 te crops khan kata samay te.
Tai para etu hadsaa laga kisaa koishe ghor manu khan ke tai ghor wapas aha pichede.etu pichede ghor manu khan para tai ke Gotgoria police outpost te luijaishe etu rati toh complaint dibole nimete.
Gotgoria police para koishe etu FIR toh tai medicial examination loikena register kuribo.hoilebi etu complaint toh Gotgoria para September 29 te bi register kuranai.etu pichede tai khan Chichli police station te complaint lodge kuribole jaishe.
Hoilebi case register nakurikena etu murijaa maiki laga mota aro mota laga bhai ke police station te lock kurishe.tai laga mota koikena janaishe.
Tai aro koishe ki Etu harassment police para kura nimete tai nijor ke murabole olaijaiseh.
Add Comment