Chhatrapati Sambhajinagar, December 27, 2025: Ekta joint operation te, NDPS cell aro Karmad Police khan para ekta ganja peddling racket dure she, Thursday te. Etu operation te tai khan duata maiki aro ekta maiki ke arrest kure she koishe.
Police khan 31kg ganja , puisa aro ekta motorcycle pai she koishe. Aro sob laga dam melai she koishe koile toh Rs 10.41 lakh ase koishe. NDPS cell khan khobor paishe ki duata maiki open jaga ekta, Hotel Torna laga opposite te ganja be kai thake she koishe, Kumbhephal Shivar te.
Police khan ekta sack paishe besarei homoi te, aro utu sack te 21.495 kg ganja paishe koishe utu jaga te. Aro duata maiki ke hodai kure homoi te ekta maiki para koishe ki ekta mota toh motorcycle para Jalan road phane ja ase ganja beka bole. Etu khobor loi kena police laga team khan jai kena utu mota ke dure she Mauje Shekt ate. Aro tateh tai khan aro ekta ganja laga sack paishe. Police laga superintendent Vinaykumar Rathod para koishe ganja pa khan toh forensic examination karne pathai deshe. Durea manu khan laga nam toh Chandrakala ase, tai laga sal toh 52 ase, aro tai toh Mandana te nuhei koishe. Aro alak duat laga nam toh Dhupradabai aro Munirkhan ase koishe
Add Comment