Northeast India, juntu 8 state milaina ase, itu ekta culture, community aru natural resources te dhoror ekta milito jagah ase. Kintu etiya bi, itulaga dangor potential thaka bhi, education aru employment te dangor gap ase. Itu problem nohoile itu jagah laga economic growth rukhi jabo , aru social aru political tensions bi dangor hobo. Etu karone, ekta bhal, inclusive strategy laga dorkar ase, juntu Northeast laga unique problem buji kene address koribo lage. Northeast te education bhal improve hoise—literacy barise, aru school-college te access bi dangor hoise. Kintu, education laga quality ekdam equal nohoi. Rural aru remote jagah te infrastructure kom ase, bhal teacher nai, aru academic resources bi bishi kom. Urban side te kunba bhal institution ase, kintu district-bhitor te education standard te ekta dangor difference ase. Etu karone, kom develop jagah laga student khan national level te competition koribole time te back thaki jai. Language problem aru purana syllabus khan bi youth khan ke national mainstream pora alag kori thake. Bisi student English aru Hindi te problem pai, juntu national level laga education aru competitive exam te laga main language ase. Etu karone, bisi student national level laga job na pai, aro bhal institution te admission na pai. Local syllabus khan bi industry laga requirement logot milenaai, juntu education aru employment te mismatch create kore. Job opportunity khan bi bishi problem ase. Northeast te formal sector te kaam bishi nai, etu karone youth khan kom paisa laga informal job te jai, nahoile dusra jagah migrate kori jai. Dangor industry nai, corporate investment kom ase, tai job market ekdam slow ase. Government job tu bisi demand ase, kintu number kom aru competition bishi ase. Educated youth khan unemployed nai to underemployed ase—etu frustration aru kabile social unrest tu bi hoi jai. Skill development program khan bhal intention logot aahise, kintu pura Northeast te properly kaam nohoi. Skill-based education aru vocational training, juntu jagah te fit hoi aru sob community ke reach kori pare, itu dangor dorkar ase. Gap tu bondhobole, ekta multipronged approach laga dorkar. Rural aru tribal jagah te education laga infrastructure te invest koribo lage. Teacher khan ke training dibo lage, syllabus update koribo lage, aru bilingual/multilingual model introduce koribo lage—juntu learning ke bishi inclusive koribo. Aru private investment attract koribo, local entrepreneurship promote koribo, aru skill development initiative expand koribo lage. Northeast ekta innovation, eco-tourism aru cross-border trade laga hub banibole potential ase. Youth khan ke bhal education aru kaam diya pora, India notun generation ke uplift kori, ekta strong, united nation banabo pare. Action loboley time etiya ase—noboile ek generation bi system laga neglect aru adhoora sapna te hari jaabo.
May 5, 2026
World's First and Only Nagamese Newspaper
Add Comment