February 11, 2025, 04:43 PM: Itu raasta laga condition thaka toh juldi para banaboley, Zingki River aru Sangkumti Village majetey, Pungro laga Additional Deputy Commissioner – James T. Khulu para toh hoiley inform kurishey sob concern khan ke ki, tatey toh hoiley, ekta restriction thakiboley asey, itu sob kisim laga gari khan aha jawa kuriboley, itu agey para koi kena thaka raasta tey, 08:00 AM para 04:00 PM tak, 12th February, 2025 para effect kuri kena, 25th February, 2025 tak tey, khali medical emergency nimitey aru Government Official khan nimitey, kun khan duty tey jai. Kaam nimitey aha jawa kuria manu khan ke, itu restriction laga homoi toh yaad tey rakhiboley koishey, aru travel plan toh itu laga hisap tey plan kuriboley koishey. Judi kiba medical emergency nahoilebi alag bishi urgency asey koiley, itu kaam hoi thaka jaga laga incharge ke koboley pari asey, modod kuriboley karney. Itu Construction project laga in-charge ke toh hoiley lagi thaka arrangement khan kuriboley laga ensure kuriboley direct kurishey, itu public dukh paboley thaka toh komti kuriboley karney.
Gari Khan Aha Jawa Kuria Opor Tey Restriction Kurishey, Zinki Aru Sangkumti Bosti Majetey
Add Comment