Garo Hills te BSF jawan jokom hoishe

SHILLONG: Meghalaya South Garo Hills district te smugglers khan para patrolling team logot pathor para marikena Border Security Force (BSF) jawan ek jun besi beya para jokom paishe koishe. Khobor para koishe ke, etu smugglers khan toh India laga side para international border Bangladesh te cosmetics aro dosura saman smuggle koriboli thakai samai hatsa toh howa ase koishe. Etu hatsa toh April 9 darik te hoishe, koikena khobor para janaishe. Etu smugglers khan para BSF jawan patrol party ke thikena pathor mara soruh hoishe aro etu samai jawan ekta besi beya para jokom paishe. “jokom besi hoikena thaka beche te be security forces para manuh laga jevan morom kora nemite goole jola nai, hoilebi kam bhal korikena smugglers ke smuggling koriboli rokaishe. Troops khan para dimak jolaikena etu smugglers khan ke border cross koriboli deya nai,” koikena khobor para aro janaishe.