Gas Pipeline blast te 3 jun morishe aro 50 jokom

Basra: November 1, 2020. Southern Iraq te gas pipeline blast kora te komti hoilebi 3 jun manuh morishe, koikena Saturday din police para janai thishe. Military para statement te koishe ke, blast toh kenika hoishe eku khobor nai. Jokom kora manuh pithor te 9 Shi’ite militia fighters aro etu oper te tuita bacha morishe. Police sources para koishe ke, blast toh southern city Samawa, south Baghdad para 270 km (170 miles) jaikena kowa ase. Etu pipeline toh rasta lamba militia camp osor te ase. Gas officials koishe ke, olop din agae te pipe toh leaks hoi thakishe. Police para kowa toh, gas line bondh kora beche firefighters khan para jui toh kotom korishe. Oil ministry para statement te koishe ke, technical manuh khan ke beya howa chaka te bonaboli botaihse. Gas toh “olop gonda” thaka beche pabo, aro etu dosura pipeline para hobo. Power station te supplies komti nahoboli nemite ase. Blast kora khobor toh pabo nemite investigation kora soru hoishe, koikena statement te Deputy Oil Minister Hamid Younis para janai thishe. Iraqi energy officials koishe, domestic line transport toh dosura southern chaka para loikena power station te thiase, konuba southern cities nemite aro etu Baghdad osor te tangor power station ase koishe. Etu blast para Iraq laga gas production aro operations toh eku beya howa nai, etu khobor toh tuita gas officials para koishe.