Guwahati, 17 December : Gauhati High Court ekta dangor faisla loi, Assam te buffalo aru bulbul bird fights ban kuri di se, juntu Assam government pora specific time te itu programmes approve kuri thaka Standard Operating Procedure (SOP) quash kuri diya ase.
Itu faisla People for the Ethical Treatment of Animals (PETA) India laga petitions upor te hoise, jun argue kuri se ki itu fights animal protection laws violate kuri ase, including Prevention of Cruelty to Animals Act, 1960, aru Wildlife Protection Act, 1972.
PETA India pora evidence aru investigations court te present kuri se, juntu dekhai dise ki itu fights te buffalo aru bulbul birds upor physical abuse kuri cruel practices implement kuri ase. PETA findings te, buffalo ke slap, stick pora marha aru nose ropes pora pull kuri fights te zabardasti dhuki dibo hoise. Tai laga injuries te bleeding wounds neck, ear, aru face te dekha pai se.
Bulbul birds, juntu Indian wildlife laws pora protected ase, itu birds ke dhori, drugs dibi, aru fight koribole starve aru harmful substances pora intoxicate kuri diya hoise. Itu fights te birds ke khana nimite aggressive hobo nimite provoke kura hoise.
Court bhi janai dise ki itu activities Supreme Court laga 2014 Animal Welfare Board of India vs A. Nagaraja case te diya judgment violate kuri ase, jun animal fights ke ban kuri dise. PETA India laga legal team, led by Senior Advocate Diganta Das, evidence present kuri dikhai dise ki itu fights SOP te allow kura dates bahar te bhi hobo thakise, juntu itu events ke illegal banai dise.
Itu faisla animal cruelty oppose kuri thaka groups pora bhal pora welcome kuri se. PETA India bhi itu judgment nimite grateful ase, jun te court animals laga rights ke cruel practices upor compromise nohoi dibo kotha rakhi dise.
Add Comment