Kolkata, 22 November : Former India cricketer Gautam Gambhir toh Indian Premier League (IPL) franchise Lucknow Super Giants ke officially charishey Kolkata Knight Riders ke join kuriboley, ekta team kun logot tai tuita titles jitishey ekta skipper thakina. KKR laga CEO Venky Mysore para itu faisla Wednesday dey janai dishey, ekta mentor laga role toh Gambhir ke dishey. Itu Knight Riders laga co-owner Shah Rukh Khan para itu faisla khula haat para sawgaat kurishey, franchise dey Gambhir ahia toh ‘taikhan laga captain wapis ahia’ inika kuishey. Gambhir bhi bishi emotional thakishey kitia tai laga LSG para KKR dey jaa toh seal kuri dishey.
Gambhir toh LSG laga mentor tuita saal karney thakishey, IPL 2022 edition dey final pahunjiwoley motut kurishey. 2023 campaign dey, LSG toh league standings dey third khotom huishey huilewi final karney row dey second par qualify kuriboley parianai.
Lucknow para tai jai jaa toh ekta emotional post para janai dishey : “Gambhir bhi Super Giants ke alvida kuishey ekta emotional post logot. Tai Twitter dey likhishey, “kitia mui janai di asey mui laga impeccable journey khotom dey ahia Lucknow Super Giants logot, mui morom aro bishi gratitude para porda asey sob khiladi, coaches, support staff aro sob manu ke kun para itu journey memorable panai dishey. Mui Dr. Sanjiv Goenka ke dhanuobad diwo muun asey tai laga inspiring leadership karney itu remarkable franchise panai thakia homoi aro tai laga dangor support karney mui laga sob endeavours dey. Mui jaani asey team para future dey bishi muzaa kaam kuribo aro sob LSG fan ke garv kuri diwo. All the best LSG brigade!”
Alag post dey, Gambhir janai dishey ki tai Knight Riders dey join kurishey.
Tai wapis ahia dey khota kuina, Gambhir kuishey, “mui ekta emotional manu nahoi aro bishi cheez para muike nahilai. Huilewi itu toh alag asey. Itu toh sob shuru hua dry wapis ahia asey. Aji, mui laga Kola dey ekta lump asey aro mui laga muun dey jui kitia mui itu purple aro gold jersey dey aro ekta ghusiwoley phabna kuri asey. Mui khali KKR dey hi wapis ahia nahoi huilewi mui khushi laga sheher dey wapis ahi asey. Mui wapis ahishey. Mui bhuuk lagi asey. Mui number 23 asey. Ami KKR.”
Gambhir ke KKR dey wapis swagat kurina, Shah Rukh kuishey: “Gautam toh hotai khantan laga ekta dukra thakishey aro itu toh muikhan laga Captain ghor dey wapis ahi asey ekta alag avatar logot “Mentor” kuina. Taike bishi yaad kurishey aro muikhan sob itia Chandu Sir aro Gautam ke never-say-die spirit haliwoley rukhi asey aro sportsmanship laga kuntu dey taikhan uthey, Team KKR logot jadoo panawoley.
Add Comment