Ahmedabad, 9 December : Gautam Gambhir toh ekta fiery character asey cricket field dey. Tai laga gritty display dey huwo Indian cricket team karney nahuiley tai laga khiladi khan karney mentor nishina khara kuri dia, Gautam Gambhir toh itu aggressive raasta dey para kitia bhi jainai. Aji kali, Gautam Gambhir toh news dey thakishey tai laga on-field spat karney tai laga former Indian cricket teammate Sreesanth logot ekta Legends League Cricket match thakia homoi. Itu agey dey, ekjun field dey bishi-publicised kuria altercation kutey Gautam Gambhir milaina thakishey itu toh Virat Kohli thakishey.
Itu ghatna, kuntu IPL 2023 match piche dey huishey Lucknow Super Giants aro Royal Challengers Bangalore maju dey, Gautam Gambhir ke dikhiwo parey Virat Kohli logot gussa para khota kua. Itu latter, RCB karney khilina, agey dey ekta spat dey milaina thakishey LSG laga Naveen Ul Haq logot.
“Naveen Ul Haq controversy, morom para kuwi ki huishey?” Gautam Gambhir ke hudishey ekta podcast ANI dey.
Ekta mentor nishna, kun bhi ahina mui laga khiladi upar dey pirawo naparibo. Mui toh bishi alag bisas ekta asey. Itu khel chuli thakia time tak, mui bheej dey ahiwoley eku haaq thakianai huilewi kitia khel khotom huishey aro kunwa mui laga khiladi khan logot jagarah ulai, mui taikhan ke defend kuriboley pura haaq asey,” Gautam Gambhir kuishey.
Virat Kohli aro Naveen Ul Had piche dey cricket field dey samna kurishey Cricket World Cup 2023 thakia homoi, kutey taijun peace panaina hug kurishey.
Thursday dey LLC para bhi ekta statement ulai dishey itu tuita khiladi maju dey jagarah ula upar dey aro kuishey taikhan ekta internal investigation luwo code of conduct laga violation dey.
Add Comment