New Delhi, 8 Febraury : Former Indian cricket team batter Gautam Gambhir para one-time Kolkata Knight Riders (KKR) teammate Brendon McCullum ke side laga IPL 2012 final dry Chennai Super Kings laga khilaf agey dey maafi mangia yaad kuri asey. Gambhir, kun para franchise ke tuita IPL titles tak lead kurishey, pacer Lakshmipathy Balaji logot ekta tight situation dey hali dishey kitia summit clash agey dey jokhum karney ulai dishey. Itu karney, tai para in-form McCullum ke girai diwoley faisla luishey aro former Australia pacer Brett Lee ke tai laga podli milai dishey. Gambhir para Instagram dey post kuria ekta video dey, itu former India opener para janai dishey ki tai para McCullum ke pura KKR team agey dey maafi mangishey itu faisla lua piche dey aro kuishey ki itu nishna para ekjun toh leader bhaal huwoley sikhey.
“Chepauk dey final karney najaa agey dey, mui Brendon McCullum ke pura team laga agey dey maafi mangishey. Mui kuishey ‘mui maafi mangi asey tui ke ulai dia karoney. Itu laga karaan toh tui laga performance nahoi, itu laga karaan toh muikhan laga combination asey.’ Kun bhi itu kuribo mun thakianai. Huilewi mui pura team laga agey dey taike maafi mangiwoley courage thakishey.. maafi mangia dey eku galti nai,” Gambhir yaad kurishey.
“Mui pura team laga agey dey maafi namangina thakiley, mui laga mun pitor dey, mui itu guilt thakiboley thakishey ki mui bhaal para communicate kurianai. Leadership toh khali appreciation lua laga nahuiley credit lua ekela nahoi. Leadership toh inika cheez kuria laga bhi asey. Kitiaba awkward asey huilewi inika hi ekta leader nishna grow kurey,” tai halishey.
KKR agey dey IPL 2012 final jitishey CSK laga khilaf five wickets para, tuitq balls pachina. Incidentally, Manvinder Bisla thakishey – khiladi kun para McCullum ke podli kurishey- kun para itu side ke jeet tak lui jaishey.
Add Comment