Gaza, 21 May 2025: UN pra koishey eku aid punchi nai Gaza te aid lorries khan border toh cross hoi kina b 11 week blockade hwa pichideh. Israeli officials khan pra koishey 93 trucks Gaza te gusi shey Tuesday din te, aid khan bhukhi kina flour, baby food, medical saman aro pharmaceutical drugs khan milai kina. Hoileh UN pra koishey trucks khan toh Palestinian side punchi kina b Kerem Shalom crossing laka, eku aid toh bhak kuri nai echa tak. Taikhan laka spokesperson Stephane Dujarric pra koishey ekta team bishi ghanta rukhi shey Israel karne taikhan ke jaka te access allow kuribo leh. Hoileh b unfortunately, taikhan supplies toh anibo leh pari nai warehouse te. Israel khan Sunday din te manzor hoishey food laka basic amount toh Gaza te gusibo diblo leh kute global experts khan pra looming famine laka warning dishey. Hoileh b international pressure Israel opor te echa b continue hoi ase uthibo leh.
UK khan pra koishey taikhan trade talks toh suspend kuribo, taikhan described kura Israel laka morally unjustifiable military escalation Gaza te, tadeh Prime minister Sir Keir Starmer pra situation toh intolerable ase koina described kuri shey. Etu time te, EU laka foreign police chief Kaja Kallas pra koishey bloc toh taikhan laka trade agreement review kuribo tadeh Israel khan taila actions laka light te thakibo Gaza opor te. Dujarric pra koishey aid operation toh complex banai shey kileh maneh Israel khan UN ke lagi shey supplies toh offload kuribo leh Palestinian side te Kerem Shalom crossing laka. Aro reload kuribo leh separately taikhan teams’ access toh secure kura pichideh Gaza Strip laka bitor pra. Tai koishey supplies laka arrival toh positive development ase hoileh b ocean te pani laka ekta drop nishina ase koina described kuri shey,
Add Comment