Palestinian Territories, October 29, 2023: War-torn Palestinian territory deh hazar nishi nah manu kan para UN laka food warehouses deh joborjost gusi shae aro saman kan chor kuri shae. Enaka hua tho United Nations para Sunday din deh “civil order” tho hari jai ase kui shae Gaza deh. UN relief agency for Palestinian refugees (UNRWA) para wheat, flour aro alak supplies kan chor hui shae kui shae alak alak warehouses kan deh.
“War shuru hui itia tho teen hapta hui shae aro itia civil order hari jai ase. Etu tho jinta laka kotha ase,” UNRWA laka Gaza chief Thomas White para kui shae.
Ekta warehouses kuto Deir al-balah laka central town deh ase, etu tho humanitarian convoys para aha supplies kan store kuri bole chui taki shae.
“Hazar nishi nah manu kan alak alak UNRWA laka warehouses aro distribution centres kan deh joborjost gusi jai shae. Aro taikan para wheat, flour aro alak basic survival saman kan lui lui shae,” UNWRA para kui shae.
Add Comment