June 16, 2024: Saturday din, southern Gaza deh ekta blast hui shae aro etu blast deh atha Israeli soldiers kan muri jai shae, military para kui shae. Etu tho taikan laka sobse bia lost ase itia tak war deh. Military para soldiers kan Namer armored gari deh bui nah travel kuri taki shae kui shae aro travel kura time deh gari tho puti jai shae kui shae. Gari tho Gaza laka Rafah jaka deh puti jai shae kui shae, kuteh troops kan ekdum kara fights kan kili ase. “Gari deh serious damage kan taki shae aro dangor bomb puta tho bodies keh identify kura bole dictar hui jai shae,” taikan para kui shae. Military Spokesmen Danile Hagari para ekta televised briefing deh blast tho ekta explosive device para ase kui shae, kuto jaka deh dali nah taki shae nahoileh anti-tank missiles para fire kuri nah taka ase kui shae. Israeli Prime Minister Benjamin Netanyahu para muri jah soldiers kan keh tribute pay kuri shae. “Mukan laka mun kan bangi nah ase, manu muri jah tho,” tai para ekta statement ekta deh kui shae.
Gaza deh jakara kuri taka tho atha Israeli soldiers kan muri shae
