International

Gaza dey halaat biya wala hui asey power bhi jai jaina Israeli para hawaa bomb maria karoney.

October 12, 2023
10 Views
Gaza, Palestine, 12 October : Gaza Strip dey bishi jagah barbaad huina asey hawaa laga bomb mari thakia karoney Israel para Hamas surprise attack laga khilaf dey, Palestinians karoney halaat toh biya wala huina jai asey Wednesday dey kitia khali power plant thakia toh fuel khotom hui jaishey, kuntu karoney itu jagah dey electricity aro paani nahia huishey, officials huishey.
 
Gaza Electricity Power Plant bondh hua toh 2.3 million thakia manu takleef pai asey 140 square miles dey buhina Gaza Strip thakina, Gaza authorities kuishey ekta statement dey Wednesday.
 
“Itu para Strip toh pura andhera dey jai jawoley sambhav asey aro hotai lagia kaga cheez khan pawoley asambhav kuri dey, kuntu sob electricity dey hi depend kurey aro generators ekela para itu sob julawoley naparibo Rafah Gate para fuel supply rukhai dia karoney,” itu statement dishey.
 
“Gaza Strip ke hotai lagia laga cheez provide kuriwoley  stress kuri asey,” authorities para kuishey.