Agencies, 28 May: Israel aro Hamas majote 11 din larai samai violations aro crimes te investigations suru koribole UN Human Rights Council (UNHRC) te resolution te India vote deya nai (withdraw korise). India logote 13 deshe khan para be vote deya nai.
Resolution toh adopt kora thakise kelay koile 24 desh khan para favour te vote kora nemite aro nine para kelaaf kroa thakise.
Official khobor hisab te India toh 13 tusara member desh logote withdraw korise. China aro Russia toh vote te favour thaka khan majote thakise.
UN body para ekta statement te, Human Rights Council para international human rights law aro international humanitarian law nemite respect ensure korbole resolution lowa janaishe.
Etu par larai howa te international humanitarian law laga violations te aro international human rights laga sob violations aro abuses te investigate koribole nemite international commission inquiry bonaishe koise.
Council laga special session toh mata thakise Palestinian territory (East Jerusalem be melikena) te “grave human rights situation” opor te kotha koribole nemite.
UN, Geneva te India’s permanent representative Indra Mani Pandey para special session te koise, New Delhi para welcomes korise international community aro regional desh laga diplomatic kosish nemite Israel aro armed groups majote Gaza te ceasefire ana nemite.
Tai para India calls toh sob parties khan gara limit dekhabole, tensions beya kora actions te rokhabole aro thaki thaka status quo te putli koribole agae kosish te rokhabole opor te ase koise.
Statement te Pandey para Jerusalem te besi phak Haram Al Sharif aro tusara Palestinian territories te gondogol thaki thaka opor te monn chinda howa janaishe.
Pandey para Israel te Gaza para rocket hamla kora aro jawab te air hamla Gaza te kora para besi dekthari/dukh hoise koise.
Tai para ami khan larai para civilian jevaan lost howa te ektum monn dukh hoise koise aro international community laga joldi attention Palestinian civilian besi phak Gaza te humanitarian motob debole opor te koise.
Tai para be India toh Palestinian Authority te developmental aro humanitarian motob aro UN te ami khan laga dedicated contribution para de thakibo koise.
India aro Hamas majote 11-din larai bechite ceasefire toh last Friday te suru howa thakise. Larai te 230 nesana manu toh Gaza te mora thakise aro 12 toh Israel te mora thakise.
Pandey para issue te sabole dialogues ekala thek option ase koise.
Add Comment