Gaza te Israeli khan pra hamla kuri shey, 6 manu murai dishey, officials pra koishey

Gaza, 1 December 2024: Israeli khan pra Gaza strip te hamla kuri shey aro at least 6 manu ke murai dishey overnight, tadeh pra duita bacha thaki shey kun tent te shelter loi thaki shey family lokot, medical officials khan pra Sunday din te janai dishey. Etu hamla toh Muwasi jaka te ahishey, ekta tent camp te tadeh thousand manu nishina khan bhui thaki shey, enika hoina bacha laka ama aro siblings khan ke jokom kuri dishey, osor Nasser Hospital laka hisap pra. Hospital te Associated Press reporter pra body khn dikhi shey. Rafah laka southern city, Egypt laka border te, ekta laka hamla te four manu ke murai dishey, hospital laka records hisap pra. Israel Military khan pra koishey taikhan jani thaki nai duita jaka te hamla hwa toh. Israel khan pra khali militants ke target kurishey, civilians khan le nuksan nahubo nimite. Hoileh Gaza across te hotai hamla kura pra maiki aro bacha khan ke murai thake. Aro alak development te, Iran-backed Houthi rebels khan pra projectile fire kura Yemen te, air raid sirens khan set off kuri shey central Israel te. Israeli military pra koishey taikhan projectile ke intercept kuri dishey Israeli territory te nagusa agae te he.