New Delhi, 1 June : Global box office te etia dui ta independent horror films sabse dangor success story bani ase. Backrooms aru Obsession, duita film Gen Z YouTubers pora direct kora, $100 million pora besi collection kori latest The Mandalorian and Grogu ke weekend box office top spot pora namai dise.
Backrooms, kuntu A24 release korishe, North America te matro first three days te $81.5 million collection korishe. Worldwide opening weekend collection approximately $118 million pounchise. Film tu YouTube creator Kane Parsons direct aru co-write korishe. Production budget matro $10 million ase, tai film tu khub profitable hoise.
Backrooms laga success pora bhi Obsession affected nohoi. 26-saal laga YouTuber Curry Barker laga directorial debut film tu North America te aru $26.4 million earn kori second position te finish korishe. $1 million pora kom budget te bonai thaka Obsession etia US te $104 million aru worldwide $148 million collection kori dise.
Itu duita indie horror films laga strong performance karone The Mandalorian aru Grogu third position te namise. Film tu, kuntu Pedro Pascal star kore, second weekend te North America te $25 million earn korishe. Opening weekend pora around 69% drop dekhibole paise. Itia tai laga worldwide collection $246.6 million ase.
Itu homoi, Michael fourth position te finish korina sixth weekend te $11.7 million earn korishe. Musical biopic tu worldwide $800 million pora besi collection kori dise.
Itu results dikhai ase ki low-budget horror films, especially young filmmakers pora bonai thaka projects, etia global audience logot khub bhal connect kori ase.
